234 ден во 2008 година.

До крајот на годината остануваат уште 133 денови.

АСТРОНОМСКИ КАЛЕНДАР

Кичево

Сонцето во Кичево изгреа во 05:51, а ќе зајде во 19:27.
Денот ќе трае 13:36 часа.

Месечината изгрева во 21:21, а заоѓа во 10:49 следното деноноќие.

ВРЕМЕНСКА ПРОГНОЗА
(Извор: AccuWeather)

Кичево
21.08.2008 9:32

КАЛЕНДАР ЗА ВРЕМЕТО ДО КРАЈОТ НА МЕСЕЦОТ - ЛИНК

* * * ИНТЕРЕСНО * * *
ИЗГРЕЈСОНЦЕ, ЗАЈДИСОНЦЕ, ИНСОЛАЦИЈА, ТЕМПЕРАТУРИ ... ЗА КИЧЕВО ... - ЛИНК

Температурата во Кичево изнесува 19 степени (RealFeel® 22).

Температура ќе се движи од 10 до 31 степени.

Воздушниот притисок изнесува 102 KPa и е со тенденција на стабилност.

Влажноста на воздухот изнесува 58%.

Покриеноста на небото со облаци изнесува 2%.

Ветерот е со максимална брзина до 6 km/h и насока север.

UV индексот изнесува 3 и се менува.

Времето ќе биде сончево и топло. Ветерот ќе биде слаб и со променлива насока.

КАКВО ЌЕ БИДЕ ВРЕМЕТО ВО КИЧЕВО ВО НАРЕДНИТЕ ДЕНОВИ

Петок 22.08.2008 година

Времето ќе биде сончево и топло.
Ветерот ќе дува со брзина до 6 km/h и од насока север - североисток.
Температурата ќе се движи од 9 до 29 степени.

Сабота 22.08.2008 година

Времето ќе биде сончево и топло.
Ветерот ќе дува со брзина до 4 km/h и од насока север - северозапад.
Температурата ќе се движи од 9 до 29 степени.

Недела 23.08.2008 година

Времето ќе биде претежно сончево. Наоблачувања со можен дожд се очекуваат во попладневните часови
Ветерот ќе дува со брзина до 16 km/h и од насока север - североисток.
Температурата ќе се движи од 11 до 29 степени.

Македонија
21.08.2008

Времето денеска ќе биде сончево и топло со умерена локална облачност.

Утринската температура ќе се движи од 13 до 21, а дневната од 31 до 39 степени.

Скопје - сончево и топло со умерена локална облачност.

Утринската температура ќе се спушти до 18, а дневната ќе достигне до 36 степени.

ЗАБЕЛЕШКА

Временската прогноза објавена на инстернет страницата на Општина Кичево се однесува само за територијата на Општина Кичево и е променлива.
Општина Кичево ќе се труди навремено да ги ажурира промените.

 

СОСТОЈБА НА ПАТИШТА

Сообраќајот на сите магистрални и регионални патни правци низ државата се одвива нормално без забрани по суви и чисти коловози.
Од 15 јануари започна реконструкција со проширување на дополнителна сообраќајна лента за бавни возила, на патниот правец Градско-Прилеп и тоа на два дела: од 25-от до 30-от и од 43-от до 48-от километар од оваа делница. На возачите им се препорачува да ја прилагодат брзината на движење и да се очекуваат повремени кратки застои. Реконструкцијата треба да заврши за 10 месеци.
На патниот правец Маврово – Дебар наместа се изведуваат работи на пат поради што се очекуваат кратки застои во текот на денот.
Од 1 март се врши санација на мостовите на патниот правец Демир Капија - Гевгелија. Возилата на секој мост каде што се изведуваат работи се пропуштаат наизменично (во интервали од 7/8 минути) во двата правци по една сообраќајна лента, за што е поставена соодветна сигнализација (привремен семафор). Санацијата ќе трае до 31 декември.
На возачите им се препорачува внимателно возење и почитување на поставената сообраќајна сигнализација. Оние возачи кои планираат да тргнат на подолг пат, тоа да го сторат по можност во раните утрински или попладневните часови, како би ги избегнале високите температури во текот на денот.
Интензитетот на сообраќај е умерен надвор од градските средини.
На граничните премини нема подолги чекања,како за влез така и за излез од државата. Времетраењето на чекање се однесува само за македонскиот дел од премините.

 

ОД ВЕРСКИТЕ КАЛЕНДАРИ

ОД КАЛЕНДАРОТ НА МПЦ

Според календарот на МПЦ (Јулијанскиот календар) денеска е 8 август. 

Денеска е Св. Емилијан Исповедник.

Во првата половина на деветтиот век свети Емилијан беше епископ во градот Кизик, во времето кога во Византија царуваше иконоборецот Лав Ерменецот. Поради цврстото држење до православното учење за почитувањето на иконите, епископот Емилијан, како и многу православни епископи беше принуден да ја напушти својата катедра и испратен во прогонство. Во прогонство проживеа уште пет години, трпејќи многу маки и понижувања, и се упокои околу 820 година.

ОД КАТОЛИЧКИОТ КАЛЕНДАР

Денеска е Св. Пио Десетти.

Бил роден во 1835 година во Италија. Кога станал свештеник работел со верниците помагајќи им на сиромашните. Бил назначен за бискуп на Мантова, а потоа станал патријарх во Венеција. По смртта на папата Леон Тринаесетти бил избран за папа. Како папа се истакнал со побожен живот и организација, така што 30 години по неговата смрт, црквата го прогласила за светец. Му се молат свештениците за успех во духовната работа со верниците.

 

НА ДЕНЕШЕН ДЕН

1485.- Англискиот крал Ричард Трети загина во битката кај Босворт во борбата против единиците на Хенри Седми, основач на династијата Тјудор. Со тоа заврши „Војната на двете ружи“ - наречна така, бидејќи династијата Ланкастр, со која Хенри Седми беше во сродство, имаше во грбот црвена, а династијата Јорк бела ружа.

1642.- Во Англија почна граѓанската војна меѓу приврзаниците на круната и Парламентот, по изјавата на кралот Чарлс Први Стјуард дека членовите на Парламентот се предавници. Војната заврши во 1645 година, со пораз на кралот, кој врз основа на пресудата на револуционерниот суд беше погубен во 1649 година.

1859.- Поради воените неуспеси, финансискиот крах на државата и отпорот на полициското репресивно движење на Хабзбуршката монархија, царот Франц Јозеф Први го смени дотогаш семоќниот министер за внатрешни работи Александар Бах, со што заврши епохата во историјата позната како „Бахов апсолутизам“.

1862.- Роден е францускиот композитор Клод Дебиси, творец на музичкиот импресионизам и втемелувач на ниви модерни тенденции. Инспириран од симболизмот во поезијата и импресионизмот во сликарството, создаде сопствен музички јазик и стил. Дела: „Араберска“, „Бергамска свита“, „Детско катче“, „Естампе“, „Слики“, „Ноктурно“, „Море“, „Пет Бодлерови песни“, „Заборавени ариети“, „Галантни свечености“, „Пелеас и Мелисанда“, камерна музика.

1854.- Потпишана е Женевската конвенција за заштита на ранетите во војна.

1891.- Умре чешкиот писател Јан Неруда, кој одигра важна улога во формирањето на чешкиот реализам во борбата против малодушните сонародници кои беа под германското културно влијание. Дела: збирките раскази „Арабеска“, „Железнички работници“, збирките песни „Прости мотиви“, „Вселенски песни“, „Балади и романси“, „Песни на Велики петок“, есеите „Чешко општество“, „Литратура, театар, ликовна уметност и музика“, „Штетни насоки“, „Модерен човек и уметност“.

1914.- Австроунгарија во Првата светска војна и објави војна на Белгија.

1923.- Во селото Сингелиќ, Скопско, е родена Вера Јоциќ, народен херој на Македонија. Беше ранета во НОВ и умре во селото Саса, Кривопаланечко, на 22 мај 1944 година.

1927.- Харвардскиот професор Филип Дринкер израбори апарат за вештачко дишење наречен челични гради.

1940.- По атентатот во Мексико умре Лав Троцки, еден од водачите на Октомвриската социјалистичка револуција во Русија. Со тоа убиство дојде до израз разузнувачката моќ на сталинистичката политика, во која, во годините пред Втората светска војна, беа ликвидирани голем број вистински или потенцијални критичари. По разидувањето со Сталин, тој замина во бегство. Роден е во Ивановка, на 7 ноември 1879 година.

1941.- Трупите на нацистичка Германија во Втората светска војна допреа до Ленинград (денешен Санкт Петербург) со што почна битката за овој град, која заврши во јануари 1944 година со победа на советската армија. Иако во текот на опсадата и херојскиот отпор животот го дадоа околу 620.000 жители на градот, повеќето од глад, Ленинград не се предаде.

1942.- Умре рускиот балетски играч, кореограф и педагог Михаил Михаилович Фокин. Кореографии: „Шопенијана“, „Петрушка“, „Франческа да Римини“, „Шехерезада“, „Смртта на лебедот“.

1944.- Во Дамбертон Оксу, во близина на Вашингтон, почна конференцијата на претставниците на СССР, САД, Велика Британија и на Кина за основање четири главни органи на Обединетите нации - Совет за безбедност, Генерално собрание, Меѓународен суд за правата и постојани секретаријати. За постојан член на Советот за безбедност, покрај учесниците на конференцијата, предвидена беше и Франција. Конференцијата заврши на 9 октомври со објавување на проектот на повелбата на ООН.

1947.- Со одлука на Владата на Народна Република Македонија во Скопје е формирано специјализирано претпријатие за производство на филмови Вардар-филм. Својата дејност претпријатието ја започна на 5 декември 1947 година.

1958.- Во Белград умре Стеван Христиќ, српски композитор, диригент, академик, професор на блеградската Музичка академија и основач и директор на Операта во Белград. Од неговите дела најпознати се музичката драма „Примрак“ и балетот „Охридска легенда“. Роден е во Белград, на 19 јуни 1885 година.

1958.- Умре францускиот писател Роже Мартен ди Гар, добитник на Нобеловата награда за литература во 1937 година. Дела: романите „Жан Боро“, „Семејството Тибо“,комедијата „Тестаментот на чичкото Леле“.

1964.- Умре Палмиро Тојати, еден од основачите на Комунистичката партија на Италија, револуционер, борец против фашизмот и публицист. Роден е на 26 март 1893 година.

1990.- Умре Александар Николовски - Џемо, долгогодишен новинар на Радио-Телевизија Скопје и на Нова Македонија, еден од основачите на Втората програма на Радио Скопје. Роден е во 1931 година.

1996.- Конференцијата за разоружување во Женева, на која учествуваа 61 држава, заврши без успех, бидејќи Индија го блокираше договорот за сеопфатната забрана на нуклераните проби.  

2004.- Во оружен грабеж на музејот на сликарот Едвард Мунка во Осло, пред голем број посетители е украдено неговото најпознато платно „Крик“.

2006.- Загинаа 160 патници и 10 членови на екипажот кога се урна рускиот патнички авион „Тупољев - 154“, 45 километри северно од Доњецка во Украина. Авионот леташе на линијата од Анапе на Црно Море до Санкт Петербург.

 

_______________________
ИЗВОР: МИА 21.08.2008