__________________________
СРЕДА
3 февруари 2010 година
03.02.2010 14:38
.
АСТРОНОМСКИ КАЛЕНДАР
Кичево
Сонцето во Кичево изгреа во 6:46, а ќе зајде во 16:54.
Денот трае 10:08 часа.
Месечината изгрева во 22:27 а заоѓа во 8:41.
МЕСЕЧЕВА МЕНА
ВРЕМЕНСКА ПРОГНОЗА
(Извор: AccuWeather)
Кичево
03.02.2010 14:38
КАЛЕНДАР ЗА ВРЕМЕТО ДО КРАЈОТ НА МЕСЕЦОТ - ЛИНК
* * * ИНТЕРЕСНО * * *
ИЗГРЕЈСОНЦЕ, ЗАЈДИСОНЦЕ, ИНСОЛАЦИЈА, ТЕМПЕРАТУРИ ... ЗА КИЧЕВО ... - ЛИНК
Температурата во Кичево изнесува 2 степени (RealFeel® 2).
Влажноста на воздухот изнесува 44%.
Покриеноста на небото со облаци изнесува 14%.
Ветрот е со брзина од 4 km/h и насока југ - југозапад.
Воздушниот притисок изнесува 102 KPa и е со тенденција на стабилност.
Времето ќе биде сончево.
Ветрот ќе биде со брзина од 8 km/h и насока запад.
Температурата ќе се движи од -10 до 2 степени.
КАКВО ЌЕ БИДЕ ВРЕМЕТО ВО КИЧЕВО ВО НАРЕДНИТЕ ДЕНОВИ
Четврток 04.02.2010 година
Времето ќе биде сончево.
Ветрот ќе биде со брзина од 6 km/h и насока северозапад.
Температурата ќе се движи од -6 до 5 степени.
Петок 05.02.2010 година
Времето ќе биде променливо облачно.
Утрото ќе биде многу студено.
Ветрот ќе биде со брзина од 11 km/h и насока југоисток.
Температурата ќе се движи од -4 до 6 степени.
ЗАБЕЛЕШКА
Временската прогноза објавена на инстернет страницата на Општина Кичево се однесува само за територијата на Општина Кичево и е променлива.
СОСТОЈБА НА ПАТИШТАТА
Сообраќајот на сите магистрални и регионални патни правци низ државата се одвива без забрани по наместа влажни коловози.
Поради ниските температури, на повисоките планински превои, осојничавите места и на мостовите очекувана е појава на голомразица.
АМСМ на возачите им препорачува внимателно возење, прилагодување на брзината на движење и одржување на потребното растојание помеѓу возилата. Внимателно и низ клисурите и засеците на почестите поситни одрони, ова особено се однесува за патниот правец Маврово - Дебар кај Скудриње каде денес е многу честа појавата на одрони.
Интензитетот на сообраќај е умерен надвор од градските средини.
Потсетување за возачите на нивната законска обврска за задолжително поседување на зимската опрема во возилата.
ВЕРСКИ КАЛЕНДАР
ОД КАЛЕНДАРОТ НА МПЦ
Според календарот на МПЦ (Јулијанскиот календар) денеска е 21 јануари.
Денеска е.
ОД КАТОЛИЧКИОТ КАЛЕНДАР
Денеска е
НА ДЕНЕШЕН ДЕН
3 февруари (МИА)
1758.- Во Згорња Сишка, кај Љубљана, е роден Валентин Водник, прв словенечки новинар, поет и јавен работник. Го издаваше првото словенечко списание „Љубљанске новине“, а автор е и на првата модерна збирка поезија. Најпозната песна му е „Илирија оживеана“. Неговата работа на националната преродба на Словенците е од големо значење. Умре во Љубљана, на 8 јануари 1819 година.
1809.- Во Хамбург е роден Феликс Манделсон, германски композитор, пијанист и диригент. Тој е истакнат претставник на епохата на романтизмот, но во неговото дело сепак е нагласено чувството за класична форма. Има голема заслуга за запознавањето и оживувањето на делото на Јохан Себастијан Бах. Со успех твореше во сите подрачја на музичкото творештво, освен во операта. Меѓу неговите најдобри музички дела спаѓаат "Виолински концерт во Е-мол" и увертирата на "Сонот на летната ноќ". Умре во Лајпциг, на 4 ноември 1847 година.
1867.- Принцот Муцухито на 14-годишна возраст стана јапонски цар Меиѓи. Во текот на неговото владеење, до смртта во 1912 година, Јапонија постепено се модернизираше, по примерот на Запад и САД. Периодот на неговото владеење претставува темел на модерна Јапонија, земја која е пример за технологија и научни достигнувања.
1909.- Роден е францускиот филмски режисер Андре Жан Кајат. Жан Кајат иако се бавеше со адвокатура, новинарство и пишување на сценарија, славата ја стекна како режисер. Филмови: „Сите ние сме убијци“, „Огледало со две лица“, „Љубовници од Верона“, „Правдата е задоволена“, „Премин преку Рајна“.
1915.- Потпомогната со германска и австроунграрска артилерија, турската војска во Првата светска војна го премина Синајскиот полуостров и ненадејно ги нападна Британците на Суецкиот канал. Турскиот напад, повторен и во 1916 година, ја принуди британската команда во Египет да доопреми две дивизии на Индуси, со кои премина во офанзива и до крајот на 1916 година ги зазеде Ал Ариш и Синај, а подоцна и цела Палестина.
1917.- Во Првата светска војна САД ги прекинаа дипломатските односи со Германија, откако Берлин соопшти дека ќе започне војна со подморници.
1919.- Во Париз е одржана првата седница на Друштвото на народите, девет дена по основањето на првата светска организација.
1921.- Во Скопје е формиран фудбалскиот клуб „Балкан“.
1924.- Умре Вудро Вилсон, дваесет и осмиот претседател на САД. Беше претседател од 1913 до 1921 година. Роден е на 28 декември 1856 година.
1943.- Британските авиони во Втората светска војна го бомбардираа германскиот град Хамбург.
1945.- Американските авиони во Втората светска војна исфрлија 3.000 тони бомби над Берлин.
1958.- Потпишан е договор за економска унија на Белгија, Холандија и Луксембург, со кој е предвидена целосна стопанска интеграција на трите земји.
1966.- На Месечината се спушти првото летало лансирано од Земјата, советскиот вселенски брод без екипаж "Луна IX", по што почна да емитува сигнали.
1968.- Роден е Владе Дивац, легендарен кошаркарски репрезентативец на СФРЈ, СР Југославија и Србија и Црна Гора. Тој беше играч на Лејкерс, каде што ја почна НБА кариерата, а потоа настапуваше и за Шарлот Хорнетс и Сакраменто Кингс.
1969.- Палестинскиот национален конгрес го избра Јасер Арафат за шеф на Палестинската ослободителна организација.
1973.- Во Јужен Виетнам на основа на мировниот Договор потпишан во Париз стапи во сила прекин на огнот. Со Договорот беше предвидено САД да ги повлечат своите трупи, а Владата во Сајгон и Фронтот за национално ослободување на Јужен Виетнам да формираат "Национален комитет за национално помирување". Силите на Фронтот со помош на северновиетнамската Армија во април 1975 година ги поразиле владините трупи во Сајгон и американската војска, а марионетскиот режим се распадна.
1977.- Претседателот на Етиопија генералот Тефери Бенти и неговите блиски соработници во Адис Абеба беа убиени од лојалните сили на потполковникот Менгис Хаил Маријам, кој диктаторски владееше до мај 1991 година, кога беше тргнат од власта и пребега во Зимбабве.
1977.- Во несреќен случај загина Васко Каранѓелески, народен херој на Македонија. Роден е во селото Брусник, Битолско, на 7 јули 1921 година.
1981.- Гро Харлем Брунтланд по оставката на Одвар Нордлиј е избрана за прва жена премиер на Норвешка.
1987.- Во Скопје умре академик проф. д-р Владимир Мошин, еден од најголемите проучувачи и познавачи на македонската средновековна уметност и култура. Роден е во Петроград, на 9 октомври 1894 година.
1989.- Умре американскиот филмски режисер и актер Џон Касаветис, водечки претставник на „њујоршката школа“, независна продукција која со критички интонирани филмови се спротивстави на холивудските стандарди. Филмови: „Злосторство на улиците“, „Убијци“, „Дванаесетте жигосани“, „Зошто ме осудивте на живот“, „Сенки“, „Премногу доцни блузот“, „Лица“, „Мажи“, „Жена под влијание“, „Глорија“.
1992.- Во Скопје умре Васил Ќортошев, македонски оперски пејач и режисер. Роден е во 1920 година.
1992.- Претседателот на Аргентина Карлос Менем потпиша декрет за отворање на сите документи за нацистите кои по завршувањето на Втората светска војна пребегнаа во Јужна Америка.
1994.- Претседателот на САД Бил Клинтон го укина трговското ембарго воведено спрема Виетнам во 1975 година, по поразот на американските војници во таа земја.
1996.- Во земјотрес во југозападна Кина загинаа повеќе од 300 луѓе.
1997.- Чешкиот писател Бохумил Храбал изврши самоубиство скокајќи од петти кат на болницата во Прага во која се лечеше од артритис. Врз основа на неговата новела „Строго контролирани возови“ Јиржи Менцл го сними истоимениот филм за кој во 1968 година доби Оскар. Останати дела: збирки раскази „Бисер на дното“, „Часови за игра на стари и искусни“, „Оглас за куќа во која не сакам повеќе да живеам“.
1998.- Американскиот воен авион „ЕА-6В“ летајќи прениско и премногу брзо, грубо ги прекрши правилата важечки за тренажни летови. Тој ги пресече каблите на жичарница во зимскиот туристички центар Кавалезе во северна Италија, усмртувајќи ги сите 20 луѓе во гондолата која се урна по пад од 200 метри висина. Американскиот воен суд во март во 1999 година ги ослободи од обвинение пилотите и капетанот Ричард Ешбиј, а тоа во Италија предизвика бран на огрочена реакција.
2000.- Во Скопје умре Лазо Каровски, македонски писател и книжевен историчар. Од неговото обемно книжевно дело ќе ја споменеме неговата прва книга поезија за деца „Овчарче“, објавена во 1946 година, и последната, романот за деца „Нека летаат гулбите“, објавена во 1986 година. Роден е во Кавадарци, на 17 февруари 1927 година.
2002.- Во Скопје, во сообраќајна несреќа, загина Петранка Костадинова, позната македонска пејачка на народни песни. Познати и се песните „Не кажувај либе добра ноќ“, „Во Струмица на улица“, „Мајка“, „Мајсторе, мајсторе“, „Земи си златни ѓердани“ и многу други. Родена е во Сомбор, во 1948 година.
2004.- Умре амерканскиот дипломат Ворен Цимерман, последниот амбасадор на САД во СФРЈ, од 1989 до 1992 година, кога почна граѓанската војна во поранешна Југославија.
2005.- Авганистанскиот „Боинг 737“, сопственост на приватната авганистанска компанија „Кам ера“, удри во планина близу Кабул. Загинаа сите 105 патници и членови на екипажот.
2006.- Во центарот на Москва се урна покривот на пазарот „Басманаја“. Загинаа 64 луѓе, а беа ранети повеќе од десет.
ОБИЧАИ И ВЕРУВАЊА
3 февруари
Сведоштва
Последниот од славната чалгија
Титов Велес, во минатиот и во почетокот на овој век, бил познат по неколку особености: развиеното школство, трговијата, грнчарството и познатата славна чалгија. За неа, за чалгаџиите, за тие петмина свирачи, кои умееле да го извлечат најубавиот тон од инструментите и во потполна складност да ја пренесат мелодијата на народната песна, на орото, па и на тогашните современи ритми, како што биле: кадрилот, полката и валцерот.
Жива легенда за тие златни времиња на велешката чалгија е 75-годишниот чалгија Ало Тончов, последниот од најпознатите чалгаџиски состави, што настапувале низ цела Македонија. Нивните настапи на веселбите, по неколку месеци однапред биле ангажирани, а најчесто свадбите се закажувале според слободните термини на чалгијата. Но имало и тажни моменти, кога чалгијата ги исполнува последните желби на некои од своите членови или пак на вљубениците во нивната песна. Така, последната желба на трговецот Петре Зиков од Титов Велес била секое утро по неговата смрт, се до 40-дневниот помен, на гробот да му пее Васил Дајраџијата. И најпознатиот кларинетист Јован Тончов, кога умрел, во 1952 година, на неговиот закоп го придружувала чалгијата.
За славата на велешката чалгија најмногу придонесол Арсо Кеманеџијата. Струните од виолината под неговите прсти просто им го пресекувале здивот на слушателите, и одеднаш разнежнети од мелодијата, од топлите тонови ја прифаќале, почнувале да пеат и да играат. Овој бард на народната песна во моментите на инспирација ги создал најубавите велешки песни. Ги опеал убавиците Султана Пулкова и Марето Цинциева, неисполнетата љубов на Лазар Трајков кон убавата Маџирка, како и други, за жал незабележани песни.
Речиси сите познати чалгаџии занаетот го учеле кај него. Подеднакво свиреле на веселбите на Македонците и на Турците. Добриот глас за велешката чалгија се пронел далеку. Дури до Стамбол, до Султанот. Во 1902 година, велешките чалгаџии Арсо Кеманеџијата, Јован Тончов, кој свирел на дајре, Ордан Канонџијата и Никола Крле на кларинет, биле повикани во царскиот град. Во сараите на Босфор свиреле цел месец пред султанот, беговите и везирите. Кога ќе завршела песната на оџата од сината Султан Ахмедова џамија, упатена до верниците, тогаш почнувала свирката во Токапи сарајот. Источниот мелос се преплетувал со познатите велешки ора: „Калајџиското“, „Тешкото велешко“, „Башиноселското“, „Елбасанското оро“, „Кавадарката“ и со други песни и ора.
Враќањето од Истанбул во Велес било овенчано со нова слава и со поголема вредност. Чалгијата што свирела пред султанот секој сакал да ја има на својата веселба. За цената не се прашувало. Така подоцна Јован Тончов, кој веќе станал прв кларинетист во градот со својата тајфа составена од Ванчо Бочвар, кој свирел на канон, Перо Бочвар – на виолина, Ристо Трпчев – на лаута и Исмаил на дајре, свиреле на повеќе свечености и свадби. Кон нив, односно кон чалгијата на татка си се придружил и Ало Тончов кој стасал во добар кеманеџија. Свои тајфи имале уште и Никола Крле, како и Ѓошо Влавче, кои заедно со Пано Аликоч и Гол Дервиш секогаш своите настапи ги започнувале со песните: „Ајде, дали знаеш, паметиш Милице“ и „Сиво ми сокле летна од Којник“.
Свадбите обично траеле по три дена. Некогаш и повеќе. Свиреле на свадбите на Андон Беширов од Гевгелија, кај Јован Бутика во Тетово и на една турска свадба во Штип, секој од тајфата покрај добиените дарови си делеле дури по 12 лири. Свадбите обично ги почнувале со маршеви. За секоја пригода имало марш. За одење по невестата, по кумот в црква.
Затоа морале да знаат по стотина и повеќе песни. Бидејќи никој не знаел да свири по ноти, тие нивното непознавање го надоместувале со извонредна извежбаност. Посебно импонирале со својата складност во интерпретацијата на песните. За тоа имале свој начин на подготвување. Бидејќи чалгијата е составена од четири инструменти, односно пет – со дајрето, секој чалгаџија влегувал во една од собите во куќата каде што се подготвувале и го почнувале изведувањето на песните. Додека свиреле едно од децата ги затворало вратите, и по неколку минути одново ги отворало, а мелодијата се пренесувала со исто темпо запазувајќи го ритамот. Извежбаноста на тајфата и складноста во исполнувањето на песните, не ретко по барање, ги докажувале на свадбите.
- Ние секогаш свиревме со чувство спрема оние кои играа. Дури се трудевме да го приспособиме тактот според движењата на игроорците. Така моравме и да се однесуваме бидејќи чалгаџиството ни беше професија. Посебно задоволство беше кога ќе заиграше некој познат играорец. Особено добро играше Евгенија Гајдова, кога го играше своето оро полно со брз ритам и посебни движења. Покрај неа мошне добро играа Анисија Виларова, Наце Фрклето, Славејко Ивчев и уште неколкумина, кои беа мајстори на орото. Потоа вистинската чалгија почнува да ја снемува, по смртта на Ванчо Бочвар, најдобриот канонџија – зборуваше резигнирано Ало Тончов.
- По Ванчо, никој не можеше да свири како него на тој инструмент. Денес ја нема и лаутата, а на нивно место се појавуваат нови инструменти, како тарабуката која никогаш не била во составот на чалгијата. Дури и ритамот е поизменет и тоа, главно, од новите инструменти. И не само ова. На денешните свадби е изгубено некогашното значење, односно почитувањето кон чалгијата и младоженците. Додека порано веднаш по чалгијата, која свирејќи свадбени маршеви, се движеа младоженците денес сосема пред неа играат сватовите, со што е нарушено правилото дека свадбата е за младите што влегуваат во брак, а не за веселите сватови. Нивната веселост треба да дојде до израз во домот или во просторијата каде што е веселбата, а не низ улиците на градот.
Виолината на стариот чалгаџија Ало Тончов денеска мирува. Белиот напластен прав под струните говори за многубројните настапи и веселби, за разиграните прсти и звукот што пленувал. Само ретко, кога ќе се најдеше во расположение, кога со другарите или со соседите ќе се направеа „каначиче“ (веселба) ќе ја дофатеше виолината, ќе потсетеше на славното време на велешката чалгија.
Од книгата „Песната и коренот“ од Никифор Смилевски, 1992 г.
НАСЛОВИ - 24 ЧАСА
2 февруари
- Предадени во употреба 102 социјални стана во скопската населба Ѓорче Петров
- Граѓаните на видео-екрани ќе можат да ги видат термините за аплицирање за лични документи
- Каргов очекува приходите на Царината во јануари да бидат како и првиот месец од 2009.
- Груевски:Реформските закони ќе придонесат за подобрување на бизнис климата
- Одржана аукција на шестмесечни државни записи со најниска каматна стапка досега
- Македонија, Грција и Албанија потпишаа Договор за заштита и одржлив развој на паркот „Преспа“
- Семејствата на прогонувани од тајните служби бараат поддршка од Вељаноски за лустрацијата
- Регулирање на пазарот, задолжително склучување договори за откуп и навремена исплата, предвидува новиот закон за земјоделство
- Средба Иванов-Стуб
- Средба на министерот Коњановски со армиските олимпијци Дарко Дамјановски и Ѓорѓи Ицоски
- Стуб: Финска го поддржува вклучувањето на ЕУ во решавање на спорот за името
- Поедноставена процедурата за добивање сини картони за невработени лица
- Од 29 април нови чартер летови меѓу Македонија и Холандија
- Снегот и студот ги однесоа првите жртви во Албанија
- Кипарскиот претседател Христофиас примен во болница
- Во БиХ приведени повеќе вахабии
- Шешељ побара ослободителна пресуда
- Агџа се сретнал со братот на исчезнатата ватиканска државјанка и го уверил дека е жива и оти ќе помогне да биде ослободена
- Папаконстатину: Финансиските проблеми на Грција се проблеми и на еврозоната
- Главните синдикати во Турција повикаа на еднодневен штрајк во четврток
- Романија ќе има еднодомен Парламент од 2012 година, изјави премиерот Емил Бок
- Папандреу: Грција целосно ќе го спроведува планот за стабилизација на економијата
- „Фајненшл Тајмс“: Мали се изгледите за брзо решавање на кипарскиот спор
- Прва вежба на КФОР во реконфигуриран состав во северно Косово
- Српската напредна партија започнува со собирање потписи за предвремени избори
- Грчкиот заменик-министер за надворешни работи Друцас во посета на САД
- Седум бизнисмени убиени на југот на Сибир
- Поранешен британски министер тврди дека Владата била „измамена“ за легалноста на ирачката војна
- Британски научник ги сокривал податоците кои упатувале на сомнеж во однос брзите климатски промени
- ЕУ би требало да изгради механизам за помош на задолжени земји-членки, советува нобеловецот Џозеф Стиглиц
- Редот на Езуитите призна сексуални злоупотребувања во негови училишта во три држави
- Папата Бенедикт против новиот британски Закон за еднаквост во општетството
- Белорускиот претседател потпиша указ за државна контрола на Интернетот
- Во Франција почнува судски процес за несреќата со авионот „Конкорд“ од 2000 година
- Коалицијата “Глобал зиро“ ја поддржа иницијативата на Обама за свет без нуклеарно оружје
- Пентагон испраќа дополнителни 18.000 војници во Авганистан
- Над 482 илјади лица го напуштија Порт-о-Пренс
- ОН: Состојбата на Хаити е потенцијално нестабилна
- Над 50 земји се обврзаа за намалување на емисиите на штетни гасови
- Неуспешен тест на САД, со кој е симулиран напад од Иран
- НАСА можеби ќе се откаже од плановите за нов лет до Месечината поради намалување на буџетот
- Бил Клинтон ќе биде именуван за меѓународен координатор за помош за Хаити
НАЈАВИ И НАСТАНИ - МАКЕДОНИЈА
3 февруари
Скопје - Претседателот на Собранието Трајко Вељаноски ќе се обрати на јавната расправа по повод доделувањето на наградата „Бисери на мудроста“ за Македонија од Европската асоцијација за цервикален канцер (ЕЦЦА). (Собрание на РМ/сала Борис Трајковски/12:00).
Скопје - Седница на собраниската Комисија за финансирање и буџет. (сала 4/11:00).
Скопје - Седница на собраниската Комисија за локална самоуправа. (сала на Влада/11:00).
Скопје - Седница на собранискиот Комитет за односи меѓу заедниците. (сала на Уставна комисија/12:00)
Скопје - Седница на собраниската Комисија за европски прашања. (сала 3/12:30).
Скопје - Седница на Законодавно-правна комисија. (сала на Влада/13:30).
Скопје - Министерката за внатрешни работи Гордана Јанкуловска и евроамбасадорот во Скопје Евран Фуере ќе се обратат на промоцијата на првата фаза од проeктот „Дигитален полициски радио систем ТЕТРА“. (Амфитеатар во Центарот за обука при МВР во Идризово/11:30)
Скопје - Министерот за одбрана Зоран Коњановски ќе се обрати пред питомците на Воената академија на трибината „Придонес на Република Македонија кон глобалната безбедност и светскиот мир“. (Воена академија/11:00)
- изјави за медиумите по завршување на настанот.
Скопје - Министерот за правда Михајло Маневски и амбасадорот на САД во Македонија на промоција на ново софтверско решение за потребите на Академијата за обука на судии и јавни обвинители на Република Македонија. (простории на Академијата за обука на судии и јавни обвинители/14:00)
Скопје - Министерот за транспорт и врски Миле Јанакиески ќе ја отвори меѓународната работилница за следната генерација мобилни телефони, во организација на Интернационалната телекомуникациска унија (ИТУ) и Факултетот за електротехника и информациски технологии во Скопје. (Факултет за електротехника и информациски технологии/ 10:00).
Скопје - Состанок на министерот за економија Фатмир Бесими со директорот на Енергетската заедница Славчо Нејков. (Министерство за економија/10:00).
- изјави за медиумите. (11:00).
Скопје - Министерот за здравство Бујар Османи ќе присуствува на работната средба „Ракот коси- внимавајте на здравите навики“ по повод Светскиот ден на ракот, што ја организира Антиканцер здружението „Животна искра“.(ул.Васил Ѓоргев бр.11/11:00).
Скопје - Работен состанок на заменик-министерот за земјоделство, шумарство и водостопанство Перица Ивановски со претставници на пчеларските здруженија. (Министерство за земјоделство, шумарство и водостопанство)
- изјава за медиумите во 11:30
Велес - Заменик-министерот за труд и социјална политика Спиро Ристовски во посета на четирите семејства од Велес чии домови беа опожарени. (ул. „Стеван Јаниќевиќ“/11:00).
Скопје - Седница на Уставниот суд на Република Македонија. (Уставен суд/13:00)
Скопје - Трибина по повод Светскиот ден на ракот во организација на Центарот за здрав живот „Самосвест“. (Црвен крст на Град Скопје/18:00).
Скопје - Прес-конференција на невладината организација на Транспарентност - Нулта корупција. (простории на организацијата ул.Наум Наумовски Борче бр.58/13:30)
Скопје - Свечена седница на Здружението на децата бегалци од Егејскиот дел на Македонија по повод 25 годишната дејност. (Дом на АРМ/12:00)
Скопје - Концерт посветен на децата бегалци од Егејскиот дел на Македонија. (Дом на АРМ/19:00).
Скопје - Прес-конференција на „Хоризонт Македонија“. (Пред Полициска станица Центар /13:00)
Скопје - Прес-конференција по повод премиера на претставата „Суд“ од Коле Чашуле, во режија на Љупчо Георгиевски. (Македонски народен театар/ 11:00).
Скопје - Друштвото на писателите на Македонија на прес-конференција ќе ги соопшти добитниците на наградите „Ацо Шопов“ - за поезија и „Стале Попов“ - за проза. (ДПМ / 12:00)
Скопје - Трибина за македонската културологија. (Културен центар „Феникс“/12:00).
Скопје - Универзитетот за аудиовизулени уметности ЕСРА ќе промовира Академска сцена ЕСРА со премиера на претставата „На отворено“ на првата генерација на Универзитетот. (Детски театарски центар/20:00).
Скопје - Почнуваат кошаркарските лига натпревари на екипи од средните учуилишта од Скопје. (СУГС „Здравко Цветковски - Скопје/11:00).
____________________
ИЗВОР: МИА
03.02.2010
Благоја Деспотоски е роден на ден 21.07.1958 година во Кичево.
